|
რიგგარეშე სხდომაზე საკრებულოს რეგლამენტი დაამტკიცეს |
 |
 |
|
30.06.2010 11:04 |
|
 30 ივნისს საკრებულოს რიგგარეშე სხდომა გაიმართა, სხდომაზე 11 საკითხი განიხილეს.
დეპუტატებმა ბათუმის საკრებულოს რეგლამენტი დაამტკიცეს და მასში განსახორციელებელ ცვლილებებზე იმსჯელეს, ახალი ცვლილებებით, როგორც საკრებულოს თავმჯდომარე ასევე საკრბულოს ყველა წევრი ვალდებული იქნება კვარტალურად წარმოადგინოს გაწეული მუშაობის ანგარიში.
დღესვე, სხდომაზე საკრებულოს აპარატის დებულებაც დაამტკიცეს და საკრებულოს წევრებისა და აპარატის თანამშრომლების თანამდებობრივი სარგოები განსაზღვრეს.
მალე, ბათუმს კიდევ ერთი ლამაზი ხეივანი შეემატება, ქ.ბათუმში შ.ხიმშიაშვილის ქუჩიდან ლეონიძის ქუჩის შეერთებამდე არსებულ მონაკვეთს ხეივნის სტატუსი მიენიჭა და მას ბიზნესმენისა და ქველმოქმედის შეიხ ნახაიან მაბარაქ ალ ნახაიანის სახელი ეწოდა. ბიზნესმენმა ბათუმს ახალი ბულვარის განაშენიანებისათვის საჩუქრად პალმის ნერგები გადასცა და იგი სამომავლოდ საქართველოში მრავალმილიონიანი ინვესტიციის განხორციელებას აპირებს.
სხდომაზე, ასევე ძველი ბათუმის ტერიტორიაზე არსებული რამდენიმე საპრივატიზაციო ობიექტთა ნუსხაც დაამტკიცეს . |
