9 ივლისს საკრებულოს რიგგარეშე სხდომა გაიმართა, რომელზეც 11 საკითხი განიხილეს.

სხდომის დაწყებამდე, საკრებულოს წევრებმა წუთიერი დუმილით, პატივი მიაგეს ფრიდონ ხალვაშის ხსოვნას.

რიგგარეშე სხდომაზე, დეპუტატებმა   ქალაქის მთავარ საფინანსო დოკუმნტში ცვლილებები განიხილეს, ბათუმის ბიუჯეტმა პირველად  ქალაქის თვითმმართველობის ისტორიაში 162 მილიონ 400 ლარს მიაღწია.

ქალაქის ბიუჯეტი 16 მილიონამდე  ლარით,  პრეზიდენტის სარეზერვო ფონდიდან, ასევე საქართველოს რეგიონებში განსახორციელებელი ფონდიდან გამოყოფილი სპეციალური

ტრანსფერისა და აჭარის ბიუჯეტიდან ფინანსური დახმარების ხარჯზე გაიზარდა.

ნამატი თანხა ქალაქის კომუნალური ინფრასტრუქტურისა და  ისტორიული უბნების რეაბილიტაციას მოხმარდება, ასევე გაიზარდა საკრებულოსა და მერიის ხარჯებიც.

სხდომაზე, ასევე განიხილეს საკრებულოს მიერ ინიცირებულ პროექტი, რომელიც ითვალისწინებს ობოლი და მშობელთა მზრუნველობა მოკლებული ბავშვების დასვენებას კურორტ ბახმაროში. პროგრამა დასვენებათან ერთად გასართობ შემეცნებით ღონისძიებებსაც მოიცავს.

საკრებულოზე, რამდენიმე საპრივატიზაციო ობიექტთა ნუსხაც დაამტკიცეს.