ქალაქ ბათუმის მუნიციპალიტეტის საკრებულო
|
 
ანონსი
 
 
რეგიონების მხარდაჭერა მდგრადი განვითარებისათვის
08 თებერვალი 2019
 

აჭარის რეგიონული განვითარების პოლიტიკის ფორმირებისა და დაფინანსების შესახებ ანგარიშის პრეზენტაციას დღეს საკრებულოს თავმჯდომარე სულიკო თებიძე დაესწრო, რომელიც სასტუმრო ჰილტონში გაიმართა.

პროექტი ევროკავშირის მიერ დაფინანსებული პროგრამის:“რეგიონების მხარდაჭერა მდგრადი განვითარებისათვის“ (ARSD) ფარგლებში ხორციელდება, რომლის მიზანია, ხელი შეუწყოს ხელისუფლების შესაძლებლობების გაზრდას ქვეყნის რეგიონული განვითარების სტრატეგიულ დაგეგმვასა და განხორციელებაში.
პროექტის ერთ-ერთი მიმართულება აჭარის რეგიონული განვითარების მექანიზმებისა და სტრატეგიის დოკუმენტის გაუმჯობესებაა. დღევანდელი შეხვედრის მიზანი კი აჭარის რეგიონული განვითარების პოლიტიკის ფორმირების, სტრატეგიების შემუშავებისა და დაფინანსების პროცესში აჭარის ავტონომიური რესპუბლიკის მთავრობის, მუნიციპალიტეტების, სამოქალაქო საზოგადოების, ადგილობრივი და საერთაშორისო ორგანიზაციების, ასევე ბიზნესისა და სხვა დაინტერესებულ მხარეებს შორის თანამშრომლობისა და დიალოგის გაძლიერების ხელშეწყობა იყო.
შეხვედრას აჭარის ავტონომიური რესპუბლიკის მთავრობის, უმაღლესი საბჭოს, სამინისტროების და მუნიციპალიტეტების პირველი პირები, ასევე აჭარის სავაჭრო სამრეწველო პალატისა და ბიზნეს ასოციაციების წარმომადგენლები ესწრებოდნენ

 
 
 
მნახველთა რაოდენობა: 112
 
 
 
 
ვიდეო
 

 

 

ამინდი
 
ბმულები