თავდადებულისა და ზუბალაშვილის ქუჩების კვეთაში, ხელოვნების უნივერსიტეტის მიმდებარედ, სკვერი გაიხსნა. ახალ ადაპტირებულ სკვერში დამონტაჟდა შადრევანი, საპირფარეშო და საპარკინგე სივრცე. პროექტის ღირებულება 1 მილიონ 100 ათას 362 ლარს შეადგენს. ახალ სკვერში მოსახლეობამ ხეების დარგვის აქციაში მიიღო მონაწილეობა და 200-ზე მეტი ფოთლოვანი, წიწვოვანი და ბუჩქოვანი მცენარე დარგო. შემოდგომაზე კი, ტერიტორიაზე დიდი ზომის მარადმწვანე ხეები დაირგვება. ახალი სკვერის სახელწოდება ელექტრონული გამოკითხვის შედეგად შეირჩევა, რომელიც მერიის ფეისბუქის გვერდზე გამოქვეყნდება და მასში მონაწილეობა ნებისმიერ მსურველს შეეძლება