საკრებულოს განათლების, კულტურის, ტურიზმისა და სპორტის საკითხთა კომისიამ დღეს გამართულ სხდომაზე რამდენიმე საკითხი განიხილა.
კომისიის წევრებმა იმსჯელეს ქ.ბათუმში, ინასარიძისა და კობალაძის ქუჩების კვეთაში არსებული მონაკვეთისთვის სკვერის სტატუსისა და დაბადებიდან 125 წლის იუბილესთან დაკავშირებით შალვა ინასარიძის სახელის მინიჭების თაობაზე.
ასევე განიხილეს ქ. ბათუმში, ინასარიძისა და კობალაძის ქუჩების კვეთაში არსებულ ტერიტორაზე საქართველოს ხელოვნების დამსახურებული მოღვაწის, ცნობილი რეჟისორის, პედაგოგის, ბათუმის ილია ჭავჭავაძის სახელობის დრამატული თეატრის ერთ-ერთი დამაარსებლის შალვა ინასარიძის ბიუსტის განთავსების საკითხი, რომლის ინიციატორიც გენერალ გიორგი მაზნიაშვილის სახელობის საქველმოქმედო ფონდი “ჩოხოსანის“ თავმჯდომარე თენგიზ თავდგირიძეა.
სხდომაზე ასევე განხილულ იქნა
,,ქ. ბათუმში აეროპორტის უბანში მუხრან მაჭავარიანის ქუჩიდან ხახულის ქუჩამდე გზის მონაკვეთისათვის მიხეილ შარაშიძის ქუჩისა და მიხეილ შარაშიძის I, II, III, IV და V ჩიხის სახელის მინიჭების შესახებ" საკრებულოს 2011 წლის 12 სექტემბრის განკარგულებაში ცვლილების შეტანის საკითხი. აღნიშნული ცვლილება ითვალისწინებს აეროპორტის უბანში მუხრან მაჭავარიანის ქუჩიდან ხახულის ქუჩამდე გზის მონაკვეთისათვის მიხეილ შარაშიძის ქუჩის, მიხეილ შარაშიძის I, II, III, IV ჩიხის სახელისა და ქ. ბათუმში, მიხეილ შარაშიძის V ჩიხის ქუჩად ჩამოყალიბებას და მისთვის გია ყანჩელის სახელის მინიჭებას.
აღნიშნულ საკითხთან მიმართებით, კომისიის წევრებმა განიხილეს
ქალაქ ბათუმში, მიხეილ შარაშიძის V ჩიხის ქუჩად ჩამოყალიბებისა და გია ყანჩელის სახელის მისანიჭებლად - გარდაცვალების ვადის შეზღუდვიდან გამომდინარე გამონაკლისის დაშვების მიზანშეწონილობის საკითხიც.
სხდომას განათლების, კულტურის, ტურიზმისა და სპორტის საკითხთა კომისიის თავმჯდომარე ნატალია ძიძიგური უძღვებოდა.