ქალაქ ბათუმის მუნიციპალიტეტის საკრებულო
|
 
ანონსი
 
 
დღეიდან საკრებულოს თავმჯდომარეს ორი მოადგილე ეყოლება
06 ნოემბერი 2015
 

ბათუმის საკრებულოს რიგგარეშე სხდომაზე, დღეს, საკრებულოს ინფრასტრუქტურის განვითარების კომისიის თავმჯდომარე ლაშა სირაბიძე საკრებულოს თავმჯდომარის მოადგილედ 17 ხმით აირჩიეს. კენჭისყრაში არ მონაწილეობდნენ ფრაქცია „ნაციონალური მოძრაობის“ და „თავისუფალი დემოკრატების“ წარმომადგენლები. ხმის მიცემისგან, ფრაქციის სახელით, ასევე, თავი შეიკავეს „რესპუბლიკელებმა“ - თეიმურაზ ყურაშვილმა და ზაურ ახვლედიანმა.
დღეს გამართულ სხდომაზე დღის წესრიგით გათვალისწინებული კიდევ ოთხი საკითხი განიხილეს. დეპუტატთა გადაწყვეტილებით, სახელმწიფოს საკუთრებაში უსასყიდლოდ გადაეცა ინასარიძის ქუჩაზე მდებარე 1024 კვ.მ.  არასასოფლო-სამეურნეო დანიშნულების მიწის ნაკვეთი, რომელზედაც საქართველოს სპორტისა და ახალგაზრდობის საქმეთა სამინისტრო ახალგაზრდული ცენტრის მშენებლობას განახორციელებს. დეპუტატებმა ერთხმად დაუჭირეს მხარი სპორტული დარბაზის მშენებლობის მიზნით მე-17 საჯარო სკოლისთვის 126,94  კვ.მ. მიწის ნაკვეთის გადაცემასაც.
დღევანდელ სხდომაზე, ასევე, დამტკიცდა ქ. ბათუმის მუნიციპალიტეტის საჯარო მოხელეთა კვალიფიკაციის ამაღლების მიზნით 2016 წლის სასწავლო გეგმა. გეგმის მიხედვით, მუნიციპალიტეტის 150 საჯარო მოხელე  9 მიმართულებით გადამზადდება, რისთვისაც ბიუჯეტიდან 60 ათასი ლარია გამოყოფილი. 

 
 
 
მნახველთა რაოდენობა: 7514
 
 
 
 
ვიდეო
 

 

 

ამინდი
 
ბმულები