ბათუმის საკრებულოს ახალმა მოწვევამ დღეს რიგგარეშე სხდომა გამართა, რომელსაც საკრებულოს თავმჯდომარე სულიკო თებიძე უძღვებოდა. რიგგარეშე სხდომაზე საკრებულოს წევრებმა დღის წესრიგით გათვალისწინებული ხუთი საკითხი განიხილეს. 2017 წლის მოწვევის საკრებულოში ხუთი მუდმივმოქმედი კომისია იმუშავებს. დეპუტატებმა დღესვე საფინანსო და ეკონომიკური განვითარების , ინფრასტრუქტურის განვითარების, იურიდიულ და საპროცედურო საკითხთა, ჯანმრთელობისა და სოციალურ საკითხთა, ასევე, საკრებულოს განათლების, კულტურის, ტურიზმისა და სპორტის საკითხთა კომისიების პერსონალური შემადგენლობები დაამტკიცეს.