ბათუმის მუნიციპალიტეტის საკრებულოში დღეს გამართულ ბიუროს სხდომაზე „ქართული ოცნების“ ახალი ფრაქცია დარეგისტრირდა. ახალი ფრაქცია -„ქართული ოცნება - მრეწველები“ - საკრებულოს სამმა წევრმა - ანზორ დევაძემ, ომარ მახარაძემ და დავით მახარაძემ დააფუძნეს. საკრებულოს სამივე წევრს აღნიშნულთან დაკავშირებით პირადი განცხადების საფუძველზე უკვე შეუწყდათ ფრაქცია „ქართული ოცნება - დემოკრატიული საქართველოს“ წევრის სტატუსი. ახალშექმნილ ფრაქციას საკრებულოს წევრი ანზორ დევაძე უხელმძღვანელებს.