ბათუმის საკრებულოს თავმჯდომარე სულიკო თებიძე და საკრებულოს ფრაქცია „ქართული ოცნება - დემოკრატიული საქართველოს“ ფრაქციის თავმჯდომარის მოადგილე ბესო გოგოტიშვილი დღეს დემოკრატიული ჩართულობის ცენტრში ელექტრონული პეტიციების პლატფორმის ichange.gov.ge-ს რეგიონულ პრეზენტაციას დაესწრნენ. ichange.gov.ge მოქალაქეთა ელექტრონული პეტიციების ოფიციალური სამთავრობო პლატფორმაა, რომლის გახორციელების ვალდებულება საქართველოს მთავრობის ადმინისტრაციამ აიღო ღია მმართველობის პარტნიორობის სამოქმედო გეგმის მიხედვით. პორტალის დახმარებით საქართველოს ნებისმიერ სრულწლოვან მოქალაქეს ან მოქალაქეთა ჯგუფს შეუძლია პეტიციის საშუალებით საქართველოს მთავრობის ყურადღება გაამახვილოს იმ საკითხზე, რომელიც მისი აზრით განსაკუთრებით მნიშვნელოვანია. პეტიციების პლატფორმის შესახებ შეხვედრებს საქართველოს რეგიონებში არასამთავრობო ორგანიზაცია „სიდა“ და საქართველოს ახალგაზრდა იურისტთა ასოციაცია მართავენ.