ბათუმის საკრებულოს ფრაქცია „ქართული ოცნება - დემოკრატიული საქართველოს“ წევრები დედის დღესთან დაკავშირებით მრავალშვილიან ოჯახებს ეწვივნენ და დღევანდელი დღე მიულოცეს. ფრაქციის თავმჯდომარემ ნატალია ზოიძემ, მაჟორიტარმა დეპუტატებმა - საკრებულოს თავმჯდომარის მოადგილემ თამაზ სალუქვაძემ, ელგუჯა ანდრიაძემ, კომისიების თავმჯდომარეებმა - ირაკლი პატარიძემ, გოჩა მგელაძემ და ფრაქციის წევრმა თამაზ დევაძემ მრავალშვილიან დედებს საჩუქრად სურსათ-სანოვაგე და ყვავილები მიართვეს.

საკრებულოს წევრები მრავალშვილიანი დედების პრობლემებითაც დაინტერესდნენ და მათი საჭიროებები შეისწავლეს.