დღეს გამართულ საკრებულოს სხდომაზე განისაზღვრა მუნიციპალიტეტის ადმინისტრაციულ საზღვრებში რეგულარული სამგზავრო გადაყვანის ნებართვის გაცემის ახალი ფასი M2 და M3 კატეგორიის ავტობუსებისათვის.
მუნიციპალიტეტის საკრებულოს 2018 წლის 28 ივნისის №51–ე შესაბამის დადგენილებაში ცვლილების შეტანა განაპირობა ბაზარზე საპოხი და საწვავი მასალების, სათადარიგო ნაწილების ფასების საგრძნობმა ზრდამ, რამაც მგზავრთა გადამყვან კომპანიებში დასაქმებულ მძღოლებსა და მათ საქმიანობაზე ნეგატიური გავლენა მოახდინა. აქედან გამომდინარე, ეკონომიკური საქმიანობის მხარდაჭერის მიზნით, საკრებულომ მიიღო გადაწყვეტილება, კომპანიებს მიმდინარე ეტაპზე დაუწესდეთ ნებართვის ფასის გადახდის სიმბოლური თანხა 0.10 ლარის ოდენობით.