ბათუმის მუნიციპალიტეტის სივრცითი განვითარებისა და განაშენიანების მართვის დოკუმენტაციაზე მომუშავე კომპანია - ,,სითი ინსტიტუტი საქართველო“–მ საკრებულოში დღეს ქალაქ ბათუმის განვითარების ხედვის დოკუმენტის პრეზენტაცია გამართა.
კომპანიის წარმომადგენლებმა საკრებულოს წევრებს წარუდგინეს და მათთან ერთად განიხილეს ბათუმის განვითარების ხედვის დოკუმენტი, რომელიც ასახავს მუნიციპალიტეტის განვითარების პრიორიტეტულ ღირებულებებსა და მიმართულებებს. როგორც კომპანიის წარმომადგენლებმა განაცხადეს, აღნიშნულ ხედვაში გაცხადებულია განვითარების ზოგადი (სტრატეგიული) მიზნები და მუნიციპალიტეტის სამომავლო სურათი იმ გამოწვევებისა და შესაძლებლობების საპასუხოდ, რომლებიც გამოვლინდა დარგობრივი კვლევებისა და დაინტერესებულ მხარეებთან ჩართულობის შედეგად.