ბათუმის საკრებულოს ლუკა ასათიანის სხდომათა დარბაზში დღეს მდგრადი ურბანული ტრანსპორტის შესახებ ცნობიერების ამაღლების სამოქმედო გეგმის განხილვა გაიმართა. როგორც ქალაქ ბათუმის მერიის მუნიციპალური პოლიტიკის სამსახურის უფროსმა ეთერ ლომაძემ განაცხადა, აღნიშნული სამოქმედო გეგმა „მწვანე ქალაქების“ პროექტის ფარგლებში „შავი ზღვის ეკო აკადემიისა“ და „სითი ინსტიტუტი საქართველოს“ მიერ მომზადდა. სამსახურის უფროსის განცხადებით, ცნობიერების ამაღლების სამოქმედო გეგმის მთავარ მიზანს წარმოადგენს ქალაქ ბათუმის მუნიციპალიტეტის დახმარება ბათუმის მდგრადი ურბანული ტრანსპორტის გეგმით გათვალისწინებული ღონისძიებების განხორციელებაში ამ ღონისძიებიების პოპულარიზაციისა და მოსახლეობის ცნობიერების ამაღლების გზით.